O próximo luns, 13 de outubro, celebrarase na Escola Universitaria de Enfermaría A Coruña as III Xornadas de Saúde Mental. Os destinatarios desta actividade son alumnas e alumnos do Grao en Enfermaría da Escola Universitaria de Enfermaría A Coruña e do Grao en Fisioterapia da Universidade da Coruña, sendo as e os relatores enfermeiras e enfermeiros do Servizo de Saúde Mental da Área Sanitaria da Coruña e Cee.

A Xornada iniciará a súa actividade ás 9 horas no Salón de Actos do Edificio do Campus de Oza, onde están programadas dúas mesas redondas cos seguintes títulos: “Da sombra do non-ser á plenitude do habitar: camiños cara a saúde mental” e “Miradas que feren, vínculos que sosteñen: saúde mental na sociedade e na familia”. A continuación, desenvolveranse talleres simultáneos con temáticas diferenciadas.

Ver programa